2024 жылы да жұмыс жалғасатын болады.
Жыл соңына дейін Алматының Түрксіб ауданында "Сергек" камераларының саны 600-ге дейін жеткізіледі.
Бұл туралы мегаполис басшысы Ерболат Досаев тұрғындармен кездесуде мәлімдеді. Оның айтуынша өткен жылы аудан тұрғындары мен жол қозғалысы қауіпсіздігі үшін 448 камераға 96 "Сергек" кешені орнатылған. 2024 жылы жұмыс жалғасатын болады.
Еске салсақ Алматыда 40 мың бейнекамераны қамтитын бірыңғай видеомониторинг жүйесі жұмыс істейді, оның ішінде 206 мемлекеттік мектепте, 194 мемлекеттік балабақшада және 8 интернатта кешенді қауіпсіздік жүйесін енгізу есебінен.
Маңызды нәтиже ЖКО санының 28% және ЖКО-да қаза тапқандар саны 48% төмендеді. Бұл ретте айыппұл түрінде қала бюджетіне 8,8 млрд. теңге түсті.
2024 жылы Алматыда барлығы 10 мыңға жуық видеобақылау камерасын орнату жоспарлануда.
Дереккөз: Almaty.tv.
18 қантар 2024