Оқушылардың республикалық зерттеу жобалары байқауының қорытындысы бойынша Алматы құрама командасының қоржыны 15 алтын, 20 күміс және 20 қола медальмен толықты.
Байқауда еліміздің түкпір-түкпірінен 900-ден астам 8-11 (12) сынып оқушысы бақ сынасты. Олар 19 секция бойынша 700-ден астам жоба ұсынды. Жарыс 3-7 сәуір аралығында Google Meet платформасында онлайн форматта өтті.
Байқау ережесіне сәйкес, жеңімпаздар мен жүлдегерлер медальмен қоса I, II, III дәрежелі ҚР Оқу-ағарту министрлігінің дипломымен марапатталды. Жарыстың тағы 7 қатысушысына ерекше жетістігі үшін грамота берілді.
Дереккөз: DKNews