Алматы қаласы ТЖ Департаментінің базасында мектепке дейінгі білім беру ұйымдарының меңгерушілерімен 13 сағаттық сабақ өткізілді.
Оқытудың мақсаты «Азаматтық қорғау туралы» Заңды, ҚР ТЖМ бұйрықтарын зерделеу, сондай-ақ табиғи және техногендік сипаттағы төтенше жағдайлар туындаған кезде дұрыс және жедел іс-қимылдарды үйрету болып табылады.
Мектепке дейінгі мекемелердің меңгерушілері 4D оқу плакатын қызығушылықпен қарады, онда картиналар «тірілді», бұл оларға балаларға жер сілкінісі мен өрттегі әрекеттер туралы теорияны үйретіп қана қоймай, оны іс жүзінде бекітуге мүмкіндік беретін болады.
Тыңдаушылар өз қалауы бойынша сахнаға шығып, дәрігерлер мен зардап шеккендердің «рөлдерін» ойнады. Кейбіреулер аяқтары мен қолдарына вакуумдық шиналар қойды, ал басқалары оларды соруға көмектесті; біреу шартты жәбірленуші гошу манекенін жандандыруға тырысып, жанама жүрек массажы мен жасанды тыныс алды.
Сонымен қатар, оқу барысында тыңдаушылар зардап шеккен халықты қабылдау пункті үшін құжаттаманы жүргізу тәртібінің дағдыларын пысықтай отырып, құрылымдық емес сейсмикалық күшейту және «дабыл чемоданын» жинақтау туралы білді.
Алынған ақпаратты бекіту үшін өмір қауіпсіздігі бойынша оқыту бейнероликтерін қарау көрсетілді, сондай-ақ брошюралар мен жадынамалар түріндегі көрнекі құралдар таратылды.
Дереккөз: Алматы қаласының Төтенше жағдайлар департаменті
02 ақпан 2024