Алматы полицейлері ағымдағы жылдың 30 маусымында аяқталған «Борышкер» алдын алу іс-шарасын қорытындылады.
Тәртіп сақшылары, жедел-алдын алу іс-шарасының «мүлдем төзбеушілік» қағидатын және жасалған құқық бұзушылықтар үшін жазаның бұлтартпастығын қамтамасыз ету, сондай-ақ салынған әкімшілік айыппұлдарды, алименттерді өндіру тиімділігін арттыру мақсатында жүргізілгенін еске салды.
Айтпақшы, бар болғаны жарты күннің ішінде Медеу аудандық полиция Басқармасының қызметкерлері 35 көлікті ұстады, олардың иелерінде жалпы сомасы 3 миллион теңгеден астам айыппұл бойынша қарызы бар.
Бұл көліктер қарыз толық өтелгенше мамандандырылған айыппұл тұрағында болады.
Ақпарат көзі: Алматы қаласының Полиция департаменті