Алматы қаласының әкімі бекіткен кестеге сәйкес, 2023 жылдың маусым айында аудан әкімдері көпбалалы аналармен 8 кездесті.
Кездесуге 102 көпбалалы ана келіп, әкімдерге 115 сұрақ жолданды. Оның 68-іне жауап беріліп, кездесуден кейін 26 мәселе пысықталды, тағы 21-і қолға алынды.
Негізгі мәселелер:
- тұрғын үй алу (кезекке қою) – 29 (25%);
- білім (балаларды мектеп пен балабақшаға орналастыру, мектеп формасы, DamuBala бағдарламасы) – 28 (24%);
- денсаулық сақтау – 6 (5%);
- әлеуметтік жәрдемақылар (АӘК, азық-түлік жинақтары) – 14 (12%);
- ТКШ және абаттандыру (газ қосу, сумен қамту және су бұру) – 15 (13%);
- жұмыспен қамту және бизнес гранттары – 5 (4%);
- өзге мәселелер – 18 (16%).
- Қала басшысы аудан әкімдерінің шаһардың көпбалалы аналарымен 2023 жылғы наурызға арналған кездесулерінің тиісті кестесін бекітті.
Айта кетейік, бұған дейін Алматы қаласының әкімі Ерболат Досаев өтініштің көптігіне байланысты аудан әкімдерінің көпбалалы аналармен ай сайынғы кездесуін тапсырған болатын.