Бұл туралы Медеу ауданының тұрғындарымен кездесу барысында Ерболат Досаев атап өтті. Оның айтуынша, қаланың көлік құрылымы жыл соңына дейін шеберлік-жоспарында көрсетіледі.
Сұрақ:
Мәскеуде автобустар, метро түнге дейін жүреді. Б нүктесіне жету біз үшін өте алыс, 1,5-2 сағат кетеді. Дамыған мегаполистердің үлгісі бойынша көлік мәселесі қашан шешіледі?
Әкімнің жауабы:
Мәскеуде көлік бағдарламасы 10 жылдан астам жұмыс істейді. Мұны да түсіну керек. Біз оған жетеміз. Біздің жұмысымыз бірнеше жыл бұрын басталған. Біз Алматыда жедел қоғамдық көлікті енгізуді жоспарлап отырмыз. Тура осы мәселе Сеулде мамандармен талқыланды, мен кеше сол елден оралдым. Бізде адам автобустан метроға ауысып, межелі жерге тез жетуі үшін интеграцияланған тарифті енгізу жоспары бар.
Еске салсақ, Ерболат Досаев Сеулге сапары барысында оңтүстік кореялық әріптестеріне Алматыда әзірленіп жатқан көлік құрылымының шеберлік-жоспары туралы айтып берді, бұл жолаушыларды тасымалдау сапасы мен қозғалыс жылдамдығын үштен біріне арттыруға мүмкіндік береді. Оның негізі халықтың 75% – ы үшін жаяу жүргіншілерге арналған жылдам қоғамдық көлік – метро, LRT және BRT болады.
Ақпарат көзі: Алматы қаласы әкімдігінің баспасөз қызметі