Қазақ мемлекеттік цирк әртістері "Без границ" екінші халықаралық цирк өнері фестивалінде қола жүлдеге иеленді. Фестиваль Санкт-Петербургте 14-17 қыркүйек аралығында өтті.
Әділет Тикановтың жетекшілігімен Hassak тобы “Акробаты на двойной мачте” нөмірін орындап, жоғары деңгейде кәсіби дайындығын көрсетті.
Қойылымда діңгектен діңгекке секіру, күшті сынайтын трюктер және тепе-теңдік сияқты күрделі трюктар болды. Топ 7 адамнан тұрады, олар Томирис қойылымында ерекше өнер көрсетті.
Бұған дейін Hassak командасы Астанадағы Эхо Азия халықаралық фестивалінде алтын, ал Almaty circus festival-да күміс медаль жеңіп алды.
Түрлі жанр бойынша фестивальге барлығы 16 елден 200 әртіс қатысты.
Ақпарат көзі: Алматы қаласы әкімдігінің баспасөз қызметі