Момышұлы көшесінің қиылысында Рысқұлов даңғылынан батыс және шығыс бағытта солға бұрылуға тыйым салынады
Көлік ағынына кедергі келтірмеу, қақтығыстардың алдын алу мақсатында 2023 жылғы 5 қаңтардан бастап эксперименталды түрде Рысқұлов даңғылы мен Момышұлы көшесінің қиылысында Рысқұлов даңғылынан батыс және шығыс бағытта солға бұрылуға тыйым салынады.
Жұмыстарды Қалалық мобилділік басқармасы мен жол қозғалысын бақылау және қауіпсіздікті қамтамасыз ету саласындағы мемлекеттік уәкілетті орган Алматы қ. полиция департаменті Әкімшілік полиция басқармасымен бірлесе отырып жүзеге асыратын болады.
2023 жылғы 1 наурызға дейін мамандар аталған аумақтың, бағдаршам нысандары мен бұрылу орындарының көлік жүрісіне талдау жасап, оның нәтижесіне сәйкес шешім қабылдайды.
Жол жүру бағыттарыңызды алдын ала ойластырып, ҚР жол қозғалысы ережелерін қатаң сақтауға шақырамыз.
Дереккөз: Almaty.tv.