Кездесу уақыты: сағат 9:00.
2022 жылдың 10 қарашасында сағат 9:00-де Алматы қаласының әкімі Ерболат Досаевтың Жетісу ауданының тұрғындарымен кездесуі Көкжиек шағынауданы, 63 мекенжайындағы №177 жалпы білім беретін мектепте өтеді.
Кездесуді онлайн режимде «Алматы» телеарнасының Youtube парақшасынан және Жетісу әкімдігінің Facebook парақшасынан көруге болады.
Коронавирус инфекциясы таралуының алдын алу мақсатында кездесу барысында маска режимін және әлеуметтік қашықтықты сақтау ұсынылады. Сондай-ақ, бөлмелерде қолды өңдеуге арналған санитайзерлер орнатылады.
Дереккөз: Almaty.tv.