Электр қуатын апаттық өшіру аймақтары картада қызыл, жоспарланған – көк түспен көрсетілген.
Алматылықтарға апатты және жоспарлы электр қуатын өшірудің интерактивті картасы қолжетімді болды, деп хабарлайды "Алатау Жарық компаниясы" баспасөз қызметі.
Интерактивті карта "АЖК" сайтының "авариялық ажырату" бөлімінде орналастырылған. Интернетке қолжетімділік болған жағдайда, кез келген адам қаланың қандай бөліктерінде электр энергиясы өшірілгенін және оның берілуі қашан қалпына келетінін біле алады. Сондай-ақ, пайдаланушыларға байланыс орталығының телефон нөмірлері қол жетімді, онда кезекші операторлар толығырақ ақпарат бере алады.
Қала картасында апаттық өшіру аймақтары қызыл түспен, ал жоспарланған электр қуатының өшірілуі көк түспен белгіленген. Қазақстан ТМД-да осындай жобаны енгізген алғашқы ел болды.
"Енгізілген жоба қала тұрғындарына авариялық қызметтерге қоңырау шалуға уақыт жұмсамай, Электрмен жабдықтаудың үзілуі туралы өзекті ақпарат алуға мүмкіндік береді. Бұл диспетчерлерге жүктемені күрт төмендетіп, олардың назарын апат салдарын жоюға аударуға мүмкіндік береді", – деді "АЖК"баспасөз қызметі.
Жобаны "АЖК" бағдарламашылары ҚР Президентінің жолдауын және Алматы тұрғындарының электр энергиясының өшуі туралы хабардар болуын арттыру бағдарламасын орындау шеңберінде әзірледі және енгізді, деп хабарлайды компанияның баспасөз қызметі.
Дереккөз: informburo.kz