Алматылықтардың ыңғайлылығы үшін ұйымдастырушылар жарысты өткізу мерзімін қыркүйектің соңынан тамызға ауыстырды. Сондай-ақ Қазақстан велоспорт федерациясының вице-президенті Аманбек Құлшықов хабарлағандай, «Tour of Almaty» ұйымдастырушылары қала тұрғындарының тілегін ескеріп, жарыстың бірінші күні қаланың көлік қозғалысы қарқынды орталық көшелерімен өтпейтін болды.
1 кезең – 30 тамыз (жұма): Индустриалды парктегі айналмалы топтық жарыс. Сөре мен мәре «Алматы Арена» көпфункционалды мұз сарайы ғимаратының алдында орналасады. Бағыттың ұзындығы - 118,6 км.
2 кезең – 31 тамыз (сенбі): «Road to Medeu» топтық жарысы. Сөре «Халық Арена» мұз кешені ғимаратының алдында, мәре «Медеу» мұз айдыны ғимараты алдында орналасады. Бағыттың ұзындығы – 160 км.
Ақпарат көзі: Алматы қаласы әкімінің қоғаммен байланыс қызметі