1 шілдеден бастап Алматы-1 және Алматы-2 теміржол вокзалдары қала әкімдігінің коммуналдық меншігіне өтеді. Бұл вокзалдарды мегаполистің көлік инфрақұрылымының бөлігі ретінде тиімді дамытуға мүмкіндік береді.
Вокзалдарды қаланың коммуналдық меншігіне беру себебі – өткізу қабілетін арттыру және жолаушыларға ыңғайлы жағдай жасау үшін күрделі жөндеу қажеттілігі болып отыр. Алматы-1 вокзалын күрделі жөндеу кезінде заманға сай конкорсты өткелдерді салу, қолданыстағы жер асты өткелін кеңейту және эскалаторлар орнату қарастырылған.
Еске салсақ, қала әкімінің тапсырмасы бойынша Алматы-1 вокзалын күрделі жөндеу шығыны коммерциялық нысандарды бастапқы әрлеумен жалға беру есебінен оңтайландырылды. Осылайша, нысандарды ішкі әрлеу, технологиялық жабдықтарды сатып алу және инженерлік құралдарды орнату қажеттілігі жойылды.
Сонымен қатар, ғимараттың дизайнына арналған шығын қысқартылды. Дизнай тұжырымды, тиімді және заман талабына сай жасалады, қымбат бөлшектер болмайды.
Ақпарат көзі: Алматы қалалық мобилділік басқармасы