Мұхит Әзірбаев Алматы әкімінің орынбасары атанды.
Мұхит Әзірбаев Алматы қаласында туған. Т.Рысқұлов атындағы Қазақ экономикалық университетінің түлегі.
Жеке сектордағы жұмыста мол тәжірибе жинақтаған. Түрлі жылдары «Қуат-Агро» агрохолдингтік компаниясының бас директоры, «Global Building Contract» ЖШС Қадағалау кеңесінің төрағасы болды, «АБН АМРО Банк» және «Казкоммерцбанк» АҚ лауазымды қызметтер атқарды.
2017 жылдан бастап «Алматы» әлеуметтік-кәсіпкерлік корпорация басқармасының төрағасы болды. Жаңа тағайындауға дейін қалалық Кәсіпкерлік және инвестициялар басқармасының басшысы қызметін атқарды.
Ақпарат көзі: Алматы қаласы әкімінің қоғаммен байланыс қызметі