Алматы қаласында ақпанның 5-нен 6-на қараған түні қалың қар жауды.
Түнгі 01:00-ден таңғы 08:00-ге дейін қалада жауған қардың қалыңдығы 20 сантиметрге жетсе, таулы аймақтарда 30 сантиметрден астам қар түскен.
Қарды тазалау жұмыстарына 574 арнайы техника тартылды.
Мердігер ұйымдар көктайғаққа қарсы 3100 тонна материал пайдаланды.
Күндіз 718 арнайы техника мен 2 200 жұмысшы жұмылдырылады. Құрылыс компанияларынан қар шығару үшін қосымша 69 жүк машинасы тартылды.
Осыған байланысты Алматы қаласының әкімдігі көлік иелерін қарды тазалау жұмыстарына түсіністікпен қарап, жол шетіне әсіресе түнгі уақытта көліктерін қалдырмауды сұрайды.
Қарды тазалау жұмыстарын жүргізуге кедергі келтіретін автокөлік эвакуатормен алынып тасталатынын ескертеміз.
Қарды шығаруды 7 ақпан күні кешке дейін аяқтау жоспарлануда.
Ақпарат көзі: Жасыл экономика басқармасы